Jista’ Jkun Li Dan Huwa L-Aktar Marċ Funebru Maħbub?!

Marċ li jdaħħalna fl-ispritu… imma jmissilna qalbna tassew?!

 

Ingħatat bidu l-Ġimgħa Mqaddsa tas-sena 2020. Ġimgħa Mqaddsa b’differenza fejn jekk naħsbu ftit, bosta qed isofru. Kemm minħabba l-mard bil-COVID-19 u s-sitwazzjoni izda mhux biss.

Għalkemm ejja ma ninsewx id-dulur li għaddej kontinwament f’bosta nies umani; min b’ħaġa, min b’oħra. Min tilef lil xi ħadd intortament, min ingidem minn ħabib jew ħabiba, min mifni b’xi vizzju, min tilef daru… u xi ngħidu għal dawk il-pajjiżi li ilhom isofru u ħlief nikkumentaw il-kliem ‘kuraġġ’ ma nagħmlux. Qed nirreferu għas-Sirja. Tgħidulna x’nistgħu nagħmlu?! Huwa veru!

Is-soċjetà kultant tkun falza. Irridu l-ġid wiċċ imbwiċċ, iżda ndaħħlu l-isalletti minn wara. Hekk ġara fil-passjoni ta’ SIdna Ġesù Kristu. U kif dejjem ngħidu, l-istorja tirrepeti ruħha.

Ħsibna li naqsmu magħkom dan il-marċ: Ċipresso – Marċ funebru ta’ Mro. Angelo Mellilli. Marċ funebru li jindaqq tista’ tgħid f’kull raħal jew belt Maltija mill-pinna ta’ surmast Sqalli u li nkiteb fis-seklu 19. Is-Surmast Angelo Mellili kien minn Licata (provincja ta’ Girgento) li bejn l-1898 u l-1912 idderiega xejn anqas minn tlett baned, “ La Vilhena”  tal-Furjana, “San Filippo” ta’ Haz-Zebbug u “San Giorgio” ta’ Bormla.

 

Il-marċi: “Venerdi’ Santo”, Misto Ricardo”,’L-Ultima Caduta” u “In Memoria del Marchese Barbaro di San Giorgio” huma wkoll marċi oħra popolari mill-pinna tiegħu.

 

Ritratt: Facebook/ Għaqda Banda Żejtun