Il-Ministru għall-Kultura, l-Artijiet u l-Gvern Lokali Dr Owen Bonnici fetaħ wirja ġdida fil-Palazz tal-Gran Mastru, il-Belt Valletta, b’dedika speċjali għal Jum il-Vitorja. Il-wirja tibqa’ miftuħa sal-14 ta’ Settembru u hija akkumpanjata minn katalgu u pubblikazzjoni ġdida.
Bit-titlu “It-8 ta’ Settembru: L-Ewwel Jum Nazzjonali”, il-wirja tfakkar tliet avvenimenti li għamlu storja f’pajjiżna: it-tmiem tal-Assedju l-Kbir fl-1565, il-kapitulazzjoni tal-Franċiżi fl-1800, u l-armistizju tal-Italja fl-1943.
Fost l-oġġetti esebiti hemm affreski, inċiżjonijiet u muniti tas-seklu sittax; platti tal-fidda u medalji marbuta mal-blokk Franċiż; kif ukoll pistola ta’ uffiċjal Taljan u gazzetta oriġinali mill-1943.
Barra minn hekk, Heritage Malta nediet ktieb ġdid ta’ Prof. Carmel Cassar dwar il-Gran Mastru Jean de Valette, li mexxa lill-Ordni waqt l-Assedju u waqqaf il-Belt Valletta.
Il-wirja tinsab fis-Sala tat-Tron u tifforma parti mill-esperjenza tal-Palazz tal-Gran Mastru, li jista’ jżuru kulħadd inkluż min juża siġġu tar-roti.
Il-wirja ‘It-8 ta’ Settembru: L-Ewwel Jum Nazzjonali’ hija miftuħa kuljum bejn l-10:00amu s-6:00pm (l-aħħar dħul fil-5:30pm), u hija inkluża fl-esperjenza tal-Palazz tal-Gran Mastru, li huwa wkoll aċċessibbli għal persuni li jużaw siġġu tar-roti. Għal aktar tagħrif żur heritagemalta.mt/whats-on jew segwi l-mezzi soċjali ta’ Heritage Malta.
Ritratti: DOI
