Il-Parroċċa tal-Isla qed tistieden lill-pubbliku biex nhar il-Ġimgħa 13 ta’ Marzu fis-6.00 p.m. jattendi għall-Pellegrinaġġ Nazzjonali Djoċesan bix-Xbieha Mirakoluża ta’ Ġesù Redentur.
Dan il-pellegrinaġġ ta’ talb u devozzjoni qed jiġi organizzat fil-kuntest tal-mixja spiritwali tar-Randan u ser ikun immexxi mill-Arċisqof ta’ Malta, Monsinjur Charles J. Scicluna. Wara l-pellegrinaġġ tiġi ċċelebrata Quddiesa Solenni fil-Bażilika.
Ix-xbieha devota ta’ Ġesù Redentur, meqjuma fil-Bażilika tal-Isla, tmur lura għas-sena 1742 u hija xogħol il-kapolavur tal-artist Malti Saverio Laferla. Din ix-xbieha hija fost l-aktar meqjuma fil-gżejjer Maltin, u matul is-snin attirat eluf ta’ pellegrini li jżuru l-Bażilika tal-Belt Senglea biex jitolbu quddiemha. Hija tfakkarna b’mod speċjali fil-misteru tal-passjoni ta’ Kristu, partikolarment fiż-żmien tar-Randan u tal-Ġimgħa Mqaddsa.
F’dan il-jum, il-Quddies fil-Bażilika tal-Isla ser ikun iċċelebrat f’dawn il-ħinijiet:
• 7.00 a.m.
• 8.30 a.m.
• 10.00 a.m.
• 5.00 p.m.
• 7.00 p.m.
Bħala tħejjija għal din il-ġurnata ta’ talb u pellegrinaġġ, il-Bażilika ser tkun miftuħa għall-pubbliku u għall-pellegrini bejn it-Tnejn 9 ta’ Marzu u l-Ħamis 12 ta’ Marzu fil-ħinijiet li ġejjin:
• 6.45 a.m. – 11.30 a.m.
• 4.15 p.m. – 8.00 p.m.
Kulħadd huwa mistieden jingħaqad f’dan il-mument ta’ talb u devozzjoni lejn Ġesù Redentur.
