Il-pubbliku huwa mistieden jingħaqad għal esperjenza kulturali u mużikali speċjali nhar il-12 ta’ April fil-11:30am fil-Furjana, waqt l-attività “Taħt il-Loġoġ”. F’dan l-avveniment se tkun qed tittella’ gig unika mill-band Skald, li se tagħti ħajja ġdida lill-atmosfera vibranti ta’ suq tal-artiġjanat.
“Taħt il-Loġoġ” se joffri ġurnata mimlija kreattività, fejn il-viżitaturi jistgħu jgawdu taħlita ta’ artiġjanat lokali, mużika live, żfin u ikel, kollha f’ambjent li jgħaqqad il-wirt kulturali mal-espressjoni artistika kontemporanja. Il-prestazzjoni tal-Band Skald hija mistennija tkun wieħed mill-punti ewlenin tal-ġurnata, b’ħoss distintiv li jżid mal-esperjenza unika tal-attività.
L-avveniment jagħmel parti mill-programm “Reġjun Kulturali 2026”, li għandu l-għan li jippromwovi l-kultura u l-arti madwar ir-reġjun permezz ta’ inizjattivi li jinvolvu lill-komunità u jattiraw lill-pubbliku.
Dawk li jattendu huma mħeġġa jqattgħu l-ġurnata jesploraw il-prodotti artiġjanali, japprezzaw wirjiet artistiċi u jgawdu atmosfera festiva taħt l-arkati emblematiċi tal-Furjana.
Għal aktar dettalji dwar l-avveniment, wieħed jista’ jżur il-paġni uffiċjali online: https://www.facebook.com/events/s/ta%C4%A7t-il-logog/886019884404884/
